Kisha historike e Amsterdamit përfshihet nga zjarri në natën e Vitit të Ri

Banorët në Amsterdam u evakuuan nga shtëpitë e tyre pasi një zjarr i madh përfshiu kishën historike Vondelkerk në qytet, të enjten në mëngjes .

Sipas mediave lokale, dyshohet se ndërtesa, e cila daton nga viti 1880 dhe është një atraksion i njohur turistik, është goditur nga fishekzjarret.

Pamjet tregojnë flakët që përhapen me shpejtësi nëpër ndërtesë, ndërsa zjarrfikësit punojnë për të shuar zjarrin.

Kisha është projektuar nga një prej arkitektëve më të njohur të Holandës, Pierre Cuypers, i cili është gjithashtu autor i Rijksmuseumit dhe Stacionit Qendror të Amsterdamit.

Së fundmi, kisha përdorej si hapësirë për koncerte dhe ngjarje të tjera kulturore./ BBC /