Kandidati për deputet nga Aleanca për Ardhmërinë e Kosovës (AAK), Mehmet Klinaku, ka thënë se Kosova duhet të krijojë kushte më të favorshme për investimet e diasporës në Kosovë, shkruan Gazeta Demos.
Klinaku ka theksuar se Kosova duhet të ofrojë lehtësira procedurale dhe mekanizma të qartë bashkëinvestimi me shtetin.
Sipas tij, një qasje e tillë jo vetëm që nxit zhvillimin ekonomik, por edhe rrit përfshirjen e diasporës në vendimmarrje dhe në projekte strategjike.
Postimi i tij:
Kosova duhet të krijojë kushte më të favorshme për investime nga diaspora, duke ofruar lehtësira procedurale dhe mundësi bashkëinvestimi me shtetin.
Kjo qasje stimulon zhvillimin ekonomik dhe rrit përfshirjen e diasporës në vendimmarrje dhe projekte strategjike. Shembuj të suksesshëm të këtij modeli janë aplikuar në shumë vende të botës, duke dëshmuar efektivitetin e tij.
Prandaj, ju kërkoj votën tuaj, për të qenë zëri i diasporës dhe për të përfaqësuar interesat e saj me përgjegjësi dhe përkushtim.
Gjithmonë krah teje, krah secilit, krah vendit.
