Jahir Nimani ka shkuar për vdekjen e punëtorit sot në vendin e punës.
"Ishe i ri në moshë, por burrë në karakter. Me bujarinë, fjalën e mbajtur, kulturën, sjelljen dhe maturinë tënde, gjithmonë të kam mbajtur në zemër, edhe pasi u largove nga puna për shkak të rrugëtimit tënd.", shkroi ai.
Shkrimi itij:
Ah bre Bajram… sa shumë më preke në zemër sot me lajmin e papritur për vdekjen tënde.
Kam punuar me ty rreth pesë vite. Ishe shumë i ri atëherë kur erdhe dhe më kërkove punë. Të thashë: “Kokë i ri bre Bajram.” E ti më the: “Jam i ri, por atë që po ta them, kurrë mos e kthe kokën mbrapa.”
Dhe ashtu më dole.
Ishe i ri në moshë, por burrë në karakter. Me bujarinë, fjalën e mbajtur, kulturën, sjelljen dhe maturinë tënde, gjithmonë të kam mbajtur në zemër, edhe pasi u largove nga puna për shkak të rrugëtimit tënd.
Por nga zemra ime nuk u largove kurrë.
Sot, lajmi për vdekjen tënde jo vetëm që më tronditi mua dhe familjen time, por edhe të gjithë ata shokë e kolegë që punuan dhe jetuan me ty, e besoj, gjithë ata që të njohën.
Bajram, ti ishe një djalë i mirë, një burrë i fjalës dhe një njeri që la gjurmë te secili që pati fatin të të njohë.
Sot të them me dhimbje e krenari: ti je hero. Një dëshmor i vendit të punës.
U prehsh në paqe, Bajram. E ne do të kujtojmë gjithmonë kështu të buzëqeshur.
Ngushëllime të sinqerta familjes, miqve dhe të gjithë atyre që të deshën.
