Komuna e Malishevës merr vendim: Shtyhet fillimi i gjysmë vjetorit të dytë shkollor

Komuna e Malishevës, saktësisht Drejtoria për Arsim dhe Edukim, ka marrë vendim për shtyerjen e gjysmë vjetorit të dytë shkollor, si pasojë e vërshimeve nga reshjet e dendura të shiut.

“Duke u bazuar në parashikimet e Institutit Meteorologjik të Kosovës për përkeqëssimin e motit dhe gjithashtu bazuar në gjendjen në terren në komunën tonë, e cila po rëndohet për shkak të të reshurave të shumta të shiut dhe bazuar në vërshimet, të cilat kanë përfshirë pothuajse çdo vendbanim të komunës sonë, ju njoftojmë se fillimi i gjysmë vjetorit të dytë të vitit shkollor 2025/2026 shtyhet deri më datën 12 janar 2026”, thuhet në vendim.

Në këtë vendim gjithashtu ceket se Djetoria për Arsim dhe Edukim do të informojë qytetarët për të gjitha rrjedhjat e përgatitjeve për fillimin e gjysmë vjetorit të dytë.

“Ditët e humbura do të kompensohen gjatë muajve në vijim kur kemi mot të qëndrueshëm dhe të mirë”, thuhet ndër tjera.