Komisioni Qendror i Zgjedhjeve (KQZ) do të mbajë nesër (e premte) mbledhjen e radhës, ku në rend të ditës është përfshirë certifikimi i rezultateve të zgjedhjeve të 12 tetorit për Kuvendet Komunale në ato komuna për të cilat është përmbyllur trajtimi i ankesave nga Paneli Zgjedhor për Ankesa dhe Parashtesa (PZAP) dhe Gjykata Supreme.
Po ashtu, në rend dite do të certifikohet edhe raundi i dytë i zgjedhjeve për kryetarët e 18 komunave, i zhvilluar më 9 nëntor. Këtë e konfirmoi zëdhënësi i KQZ-së, Valmir Elezi.
“Të premten, Komisioni Qendror i Zgjedhjeve do të mbajë mbledhjen e radhës dhe në rend të ditës është përfshirë certifikimi i rezultateve të zgjedhjeve të 12 tetorit për Kuvendet Komunale të atyre komunave për të cilat është përmbyllur trajtimi i ankesave nga PZAP dhe Gjykata Supreme. Po ashtu, në rend dite është edhe certifikimi i raundit të dytë të zgjedhjeve për kryetarë të 18 komunave, të cilat u mbajtën më 9 nëntor.”, tha Elezi për reporteri. Në Kosovë me 12 tetor u mbajtën zgjedhjet për Kuvendet Komunale dhe Kryetarë të Komunave.
Në raundin e parë procesin e përmbyllën 20 komuna, kurse 18 të tjera votuan në balotazh më 9 nënto
