Kurti: E votojmë ndryshimin e Ligjit nëse PDK-ja na jep gjysmën e votave për Sejdiun

Kryeministri Albin Kurti ka thënë se Lëvizja Vetëvendosje do t’i japë 62 vota, bashkë me deputetët e komuniteteve, nëse PDK-ja zotohet se do t’i sigurojë gjysmën e votave të deputetëve të saj për kandidaturën e Bekim Sejdiut për president.

“Nëse PDK-ja zotohet publikisht se i siguron së paku gjysmën e votave të deputetëve të tyre për Bekim Sejdiun, meqenëse pjesën tjetër e kemi bashkë me LDK-në, atëherë po procedojmë me votimin në leximin e dytë. Kërkojmë që të zotohen para jush”, ka thënë Kurti.

Ai ka deklaruar se deputetët e PDK-së mund të votojnë edhe kundër kandidaturës së Sejdiut.

“Ata mund të votojnë edhe kundër. Sa herë kanë kërkuar prej nesh, ne kemi qenë të gatshëm për votën për, e ne po e kërkojmë gjysmën e tyre kundër”, ka thënë Kurti në konferencë për shtyp.

Kurti ka kërkuar nga PDK-ja që, nëse është kundër kandidaturës së Sejdiut, ta shprehë këtë përmes votës.

“Nëse PDK-ja është kundër Sejdiut atëherë unë u them shpreheni me votë. Mos votoni për, veç votoni. Ndoshta është momenti i tillë që ndoshta 6 nga deputetët e LDK-së mund të na bashkëngjitet. Unë besoj që nëse do ta kishim një votë të tillë të për".