Një serb i dyshuar për krime lufte është arrestuar në fshatin Soçanicë të Leposaviq.
Veriu.info raporton me burime se i arrestuari ishte ish pjesëtar i Policisë së Kosovës. Sipas mediumit, i arrestuari është D. Pelevic.
Në njoftimin e PK’së bëhet e ditur se, i arrestuari në fshatin Soqanicë të Leposaviçiqt, dyshohet se në mars të vitit 1999 në Skenderaj në bashkëkryerje ka rrahur, torturuar, plagosur dhe privuar nga jeta 15 civilë shqiptarë, si dhe ka zhdukur 16 civilë të tjerë në dy lokacione në këtë komunë.
“ Policia e Kosovës respektivisht Drejtoria për Hetimin e Krimeve të Luftës me dt.14.04.2026 në fshatin Soqanicë të Leposaviçit ka arrestuar të dyshuarin mashkull shtetas kosovar të nacionalitetit serb, nën dyshimin për kryerje të veprës Krime Lufte Kundër Popullatës Civile .
I dyshuari i lartcekur bazuar në hetimet e zhvilluara dyshohet se në cilësinë e pjesëtarit të MUP-it të Serbisë gjatë periudhës së luftës në Kosovë, i sistemuar në Stacionin Policor të Skenderajt, i uniformuar dhe i armatosur, në mars të vitit 1999 në Skenderaj në bashkëkryerje edhe me pjesëtarë të tjerë, të organizuar si grup, kanë marr pjesë në operacion policor-ushtarak, ku kanë bërë dëbimin me dhunë të civilëve nga pronat e tyre, kanë rrahur, torturuar, plagosur dhe privuar nga jeta pesëmbëdhjetë 15 civilë shqiptar, si dhe zhdukur gjashtëmbëdhjetë 16 civilë të tjerë në dy lokacione në Skënderaj “, thuhet në njoftim.
Lidhur me rastin i dyshuari është intervistuar në prani të avoktatit sipas autorizimit dhe me aktvendim të prokurorit të rastit, të dyshuarit i është caktuar masa e ndalimit prej 48 orësh
