LDK mban sot tubime në Klinë, Istog e Prishtinë, fton qytetarët: Le të bëhemi bashkë për shtetin

Në nisjen e fushatës zgjedhore, Lidhja Demokratike e Kosovës do të mbajë sonte tubime në Klinë, Istog dhe Prishtinë.

Në këto tubime elektorale, kryetari i LDK-së dhe kandidati ynë për kryeministër, Lumir Abdixhiku, do të prezantojë Programin politik dhe vizionin e tij “për një Kosovë më të zhvilluar, më të drejtë dhe plot shpresë”.

“Në Klinë, Istog, si dhe në Prishtinë Dega 5, përveç programit qeverisës, do të bëhet edhe prezantimi i kandidatëve tanë përkatës, njerëz të dëshmuar, të përkushtuar dhe të gatshëm për t’i shërbyer qytetarëve”, thuhet në njoftim.

Kjo parti ka ftuar qytetarët që të marrin pjesë në këto tubime për ta dëgjuar programin.

“Sot, ejani të gjithë, qytetarë, aktivistë, familjarë e miq; ejani për ta dëgjuar programin; ejani për ta dhënë mbështetjen tuaj. Zgjidh shpresën! Le të bëhemi bashkë për shtetin, për Kosovën tonë! Eja dhe bëhu ndryshimi!”, thuhet në postim.