‘Lidhja e Prishtinës’ e fiton betejën në KQZ, siguron certifikimin për zgjedhjet lokale

Iniciativa Lidhja e Prishtinës, e cila udhëhiqet nga Fehmi Kupina, ka arritur që ta sigurojë certifikimin për të garuar në zgjedhjet e 12 tetorit.

Kështu kanë konfirmuar për Klankosova.tv burime brenda kësaj iniciative.

Certifikimi erdhi pas ankesës së bërë në Panelin Zgjedhor për Ankesa dhe Parashtresa të KQZ-së.

Ankesa në PZAP u aprovua dhe kështu urdhërohet që Komisioni Qendror i Zgjedhjeve ta bëjë certifikimin, njofton Klankosova.tv.

Në mbledhjen e fundit, KQZ-ja nuk e pati certifikuar këtë iniciativë, me pretendimin se emri ka ngjashmëri me atë të Lidhjes Demokratike të Kosovës.