Lladrovci fton qytetarët në hapjen e fushatës së PDK-së më 1 Qershor në Drenas

Të hënën, PDK, do të hap fushatën zgjedhore në Drenas me tubimin në ora 19:30, në Sheshin “Fehmi dhe Xhevë Lladrovci”, me këtë rast, Ramiz Lladrovci ka ftuar qytetarët për pjesëmarrje.

Ftesa e z. Lladrovci në facebook.

Qytetarë të Komunës së Drenasit,

Më 1 Qershor në Drenas, fillon orteku i fitores së PDK-së, bëhu pjesë e kësaj fitoreje.

Qytetarë kampionë,

Ne jemi gati për fitoren shembullore, fitoren e vizionit të heronjve tanë të luftës dhe paqes, fitoren e PDK-së, partisë kontribuese të çdo arritjeje në Republikën e Kosovës.

Fitoren do ta dëshmojmë me tubimin e madh më 1 Qershor, ku nga Sheshi “Fehmi dhe Xhevë Lladrovci”, do ta japim porosinë e unitetit, gatishmërisë për fitore dhe fuqizimin e fitores së PDK-së dhe numrit 125.

Ftoj të gjithë qytetarët e Komunës së Drenasit, me të drejtë vote, të vini në Sheshin e Drenasit, në zemrën e Kosovës, për të riafirmuar vullnetin për fitore shembullore në komunën që dha aq shumë për lirinë.

Qytetarë kampionë,

Të hënën, Sheshi “Fehmi e Xhevë Lladrovci” në Drenas, lë të jetë vendi i mesazhit tonë për unitet i cili do të jehojë larg, përtej kufijve të Republikës.

Drenasi ka qenë, është dhe do të jetë i bashkuar, në rrugën e vlerave të partisë së krijuar nga Hashimi, Kadriu, Jakupi dhe të gjithë ata që dhanë gjithçka për Kosovën.

Të hënën, në ora 19:30, në Sheshin “Fehmi dhe Xhevë Lladrovci”, fillon orteku i fitores së PDK-së, eja të bëhemi bashkë, pjesë e fitores!

#125

#PDK

#BedriHamza1

#StopKrizësNdryshoKosovën