“Ka vite që përpiqen ta dobësojnë Aleancën, sepse e dinë se nuk mund ta mposhtin të vërtetën”, kështu ka deklaruar kandidati, Besnik Tahiri me numër 2 në Aleancë për deputet në Kuvend .
Kjo deklaratë e Tahirit vjen pas takimit të sotëm me mbështetësit e tyre në Llap.
“Të dashur llapjanë, Ramush Haradinaj dhe Aleanca janë përballur gjithmonë me të vërtetën: në luftë, në Hagë, për sigurinë dhe për zhvillimin e Kosovës. E kur e thua të vërtetën, përballesh me sulme, shpifje dhe përpjekje për të të heshtur. Sot, Aleancën e prin Ardian Gjini, një njeri që ka kaluar etapat më të rëndësishme të Kosovës, nga rezistenca e viteve ’90 deri te ndërtimi i shtetit dhe zhvillimi pas lirisë”, tha ai.