Lumir Abdixhiku takon rininë në Parkun e Prishtinës: Të rinjtë meritojnë më shumë mundësi në Kosovë

Kryetari i LDK-së, Lumir Abdixhiku, ka zhvilluar një takim me të rinjtë në Parkun e Prishtinës, ku ka folur për sfidat dhe aspiratat e rinisë kosovare.

Abdixhiku tha se të rinjtë kanë ëndrra të mëdha për studime, punë me dinjitet, krijim familjeje dhe ndërtim të jetës në Kosovë, por theksoi se këto ëndrra kërkojnë më shumë punë dhe përkushtim institucional.

“Na duhet një Kosovë më e drejtë, me më shumë mundësi, arsim më cilësor dhe paga më të mira, në mënyrë që talenti i të rinjve të mos detyrohet të largohet jashtë vendit”, u shpreh ai.

Sipas Abdixhikut, një shtet që i mban të rinjtë pranë ëndrrave të tyre është një shtet që ecën përpara.