Kalo te përmbajtja
Demos
Keni lajm?
  • Çka ka 3?
  • Lajme
  • Ndërkombëtare
  • Sport
  • Video
  • Magazine
  • Teknologji
  • Stil
  • Këndvështrime
Menyja
  • Ballina
  • Çka ka 3?
  • Lajme
  • Ndërkombëtare
  • Sport
  • Video
  • Magazine
  • Teknologji
  • Stil
  • Këndvështrime
Pamja
Demos

Gazeta Demos ngadalë por sigurt, po bëhet burim i besueshëm i informacionit, i hapur ndaj opinionit publik, duke i trajtuar të gjithë të barabartë. Gazeta Demos është shenjë identifikuese e fjalës së lirë, gjithnjë në frymën e demokracisë prej nga buron edhe emri i saj.

Rubrikat

VideoLajmeNdërkombëtareSportMagazineTeknologjiStilKëndvështrime

Demos

Rreth neshPolitika editorialeKontaktPrivatësiaKeni lajm?
Gazeta Demos SH.P.KRr. “Uran Ajeti”, 68, Prishtinëinfo@gazetademos.commarketing@gazetademos.comTel: +383 48 579 555
© 2026 Demos. Të gjitha të drejtat e rezervuara. v 1.0.2
Lajme

“Marrëveshje të vërtetë ose asgjë”, Trump i dërgon mesazhin e prerë Teheranit

GD
Gazeta Demos20 nëntor 2026 në 21:08
“Marrëveshje të vërtetë ose asgjë”, Trump i dërgon mesazhin e prerë Teheranit

Presidenti amerikan, Donald Trump, ka deklaruar se Irani kërkon një marrëveshje me Shtetet e Bashkuara, por sipas tij, propozimi i Teheranit nuk është i pranueshëm. Gjatë një konference për shtyp në Shtëpinë e Bardhë, pas kthimit nga udhëtimi në Azi, Trump theksoi se Uashingtoni kërkon një marrëveshje të vërtetë dhe jo një zgjidhje të përkohshme.

“Irani dëshiron një marrëveshje, por nuk dëshiron një marrëveshje që të jetë e pranueshme për mua. Ne duam një marrëveshje të vërtetë, jo një marrëveshje të rreme“, deklaroi Trump.

Ai e cilësoi operacionin ushtarak kundër Iranit si një “veprim të vogël ushtarak”, ndërsa përsëriti se Teherani nuk do të lejohet të zotërojë armë bërthamore. Presidenti amerikan tha gjithashtu se ka qenë i pari që ka folur për çarmatimin bërthamor në shkallë globale, duke përmendur se Rusia zotëron të paktën 3 mijë koka bërthamore.

Trump ngriti edhe dyshime për programin e Iranit, duke thënë se qarkullojnë informacione se Teherani mund të jetë duke ndërtuar një bombë të pistë. Sipas tij, nëse Irani po zhvillon një armë të tillë, Shtetet e Bashkuara do ta zbulonin dhe do ta ndalonin.

Gjatë konferencës, Trump foli edhe për inteligjencën artificiale dhe ndërtimin e qendrave të të dhënave (data center). Ai tha se këto struktura duhet të ndërtohen në territorin amerikan dhe paralajmëroi vendosjen e një takse shumë të lartë për kompanitë amerikane që zgjedhin t’i ndërtojnë ato jashtë vendit.

“Duhet të ndërtojmë qendrat e të dhënave, nuk do të lejoj që ato të vendosen në vende të tjera. Nuk mund të lejojmë që Kina t’i marrë të gjitha. SHBA-ja është përpara në fushën e Superinteligjencës. Edhe Xi është dakord që ta quajmë Superinteligjencë dhe jo Inteligjencë Artificiale. Dhe jemi dakordësuar për të vendosur kufizime të përbashkëta“, tha Trump.

Ai shtoi se kompanive amerikane që ndërtojnë qendra të të dhënave jashtë vendit mund t’u vendoset një “taksë shumë e rëndë”. Sipas tij, edhe në tregtinë e çipave janë bërë gabime që i kanë shkaktuar dëme të mëdha vendit. Trump theksoi se Kinës do t’i shiten vetëm çipa të gjeneratave të vjetra, duke shtuar se nëse nuk i merr nga SHBA-ja, Pekini do t’i prodhojë vetë.

I pyetur për largimin e Jensen Huang nga Nvidia, presidenti amerikan e cilësoi atë një person shumë të aftë dhe tha se do të dëshironte që atij t’i jepej një mundësi e dytë.

Trump foli edhe për luftën në Ukrainë, duke deklaruar se presidenti rus, Vladimir Putin, ka shprehur dëshirën për t’i dhënë fund konfliktit përmes diplomacisë. Sipas tij, bisedimet po zhvillohen mirë dhe ekzistojnë mundësi të mira për arritjen e një marrëveshjeje.

“Putin ka shprehur dëshirën për t’i dhënë fund luftës në Ukrainë përmes mjeteve diplomatike. Po zhvillojmë bisedime shumë të mira, ka mundësi të mira për të arritur një marrëveshje. Në Rusi dhe Ukrainë ka 25 mijë të vdekur në ditë“, deklaroi presidenti amerikan.

Ai shtoi se as presidenti ukrainas, Volodymyr Zelensky, dhe as Putin nuk dinë se si t’i japin fund luftës.

Në fund, Trump komentoi edhe rezultatin e zgjedhjeve të mesmandatit në SHBA, duke e cilësuar veton presidenciale si një “fuqi ekstreme”. Ai pretendoi se kërcënimi i tij për të bllokuar ligjet do t’i detyrojë demokratët të zbusin politikat e tyre.

“Ata do të më dërgojnë disa projektligje dhe unë do të vendos veton. Pastaj do të më dërgojnë të tjera dhe unë do të vendos sërish veton. Dhe mund të vazhdojnë kështu për dy vjet e një muaj, sepse kaq kohë kemi në dispozicion, dhe unë do të vazhdoj të vendos veton“, u shpreh Trump.

marrëveshjetrumpvërtetë

Të ngjashme

Trump: Edhe ne e spiunojmë Kinën, madje më mirë se ata që na spiunojnë neve

Trump: Edhe ne e spiunojmë Kinën, madje më mirë se ata që na spiunojnë neve

17:41
Kuvendi miraton tri marrëveshje ndërkombëtare

Kuvendi miraton tri marrëveshje ndërkombëtare

15:59
Trump largohet nga Kina pas bisedimeve 90-minutëshe me Xi dhe Putin

Trump largohet nga Kina pas bisedimeve 90-minutëshe me Xi dhe Putin

12:38
‘‘Ka marrëveshje’’, Çitaku njofton se është arritur ujdi mes PDK e VV për Ligjin për Specialen

‘‘Ka marrëveshje’’, Çitaku njofton se është arritur ujdi mes PDK e VV për Ligjin për Specialen

12:07

Më shumë nga Lajme

  • 21:43Studentët paralajmërojnë protestë para Rektoratit, kërkojnë shkarkimin e rektorit
  • 21:23Kusari-Lila takon ambasadoren finlandeze, diskutojnë për investimet në Kosovë
  • 21:19Ardian Gjini publikon shifrat e BQK-së: Çmimet dhe borxhet e qytetarëve janë rritur në mënyrë ekstreme, si po ia dalin familjet kosovare?
  • 21:09Reagimet se i kanë ndarë vetëm 1.5 milionë për to, Pacolli: Mandat i digave, janë në proces, ndërtimet fillojnë më 2027 -28
  • 20:44Jakup Krasniqi të shtunën përfundon vizitën në Kosovë, në orën 15:00 niset me aeroplan special