Një ortek i madh goditi sot në mëngjes datë 27 nëntor 2025, malin Stubai në Austri, duke përfshirë skitë dhe duke shkaktuar një mision shpëtimi emergjent.
Sipas policisë, disa ski jashtë pistave dyshohet se shkaktuan ortekun, para se të përfshiheshin nga sasia e madhe e borës. Shpëtimtarët arritën të nxjerrin gjallë gjashtë skiatorë, që ishin mbuluar në mënyrë të pjesshme nga bora.
Kushtet e tyre shëndetësore po vlerësohen ende, ndërsa disa prej tyre kanë marrë edhe dëmtime. Operacioni i shpëtimit u kthye në një mision të madh emergjent, duke përfshirë ekipe të shumta në terren.
Të paktën dy helikopterë mjekësorë u dërguan menjëherë në vendngjarje, për të transportuar të lënduarit. Një helikopter policie ndihmoi për të monitoruar rrugën e ortekut dhe për të udhëzuar ekipet në tokë.
Ekipet e shpëtimit malor nga Neustift im Stubai dhe Solden u dërguan me pajisje speciale dhe gjithashtu qentë trajnues, për të gjetur të mbijetuarit, raporton The Sun .
Ata po asistohen nga ushtarë gjermanë dhe ekipe shpëtimi polake, për të kontrolluar terrenin e gjerë dhe të paqëndrueshëm. Situata mbetet kritike, ndërsa ekipet vazhdojnë kërkimet, për çdo person të mbetur nën borë.
