Arlinda Zekaj për gjashtë muaj nuk e kishte takuar djalin e saj, pasi, sipas aktivistes politike Teutë Rrusta, këtë ia kishte pamundësuar kunati i saj, tashmë i dyshuari kryesor për vrasjen e saj.
Në emisionin "Rubikon" në Klan Kosova, Rrusta ka folur për rastin tragjik të Arlindës dhe problemin e dhunës me bazë gjinore në shoqëri, në emisionin “Rubikon” në Klan Kosova.
Ajo ka ngritur shqetësime për rrethanat me të cilat ishte përballur Arlinda para vrasjes së saj, duke rikthyer në vëmendje edhe ndarjen nga djali i saj për një periudhë gjashtëmujore.
"Ajo e ka raportuar këtë dhunë edhe momentin kur është kthyer tek shtëpia sepse burri ka qenë në polici, edhe ajo ka thënë ndoshta i kam disa orë të sigurta me fëmijen tim, ka dal kunati. A e kuptoni çfarë situate absurde", deklaroi ajo.
