Nje person, 25 vjeçar është gjetur pa shenja jetë në një banesë në Mitrovicën e Jugut. Lajmi është bërë i ditur nga Policia e Kosovës.
Zëdhënësi i policisë për rajonin e Mitrovicës së jugut, Avni Zahiti, ka thënë se për rastin është pranuar informatë rreth orës 08:20.
“Sot, rreth orës 08:20 , Policia ka pranuar informatën se në një banesë në Mitrovicën e Jugut, është gjetur pa shenja jete një mashkull, 25-vjeçar. Njësitë policore dhe ekipi mjekësor kanë dalë në vendin e ngjarjes, ku është konstatuar vdekja e viktimës”, ka thënë Zahiti për Veriu.info.
Ai ka bërë të ditur se me urdhër të Prokurorit, pas ndërmarrjes së veprimeve të nevojshme hetimore, trupi i pajetë është dërguar në Institutin e Mjekësisë Ligjore (IML) për obduksion.
