Dy persona janë plagosur pas të shtënave me armë në fshatin Doganaj të Ferizajt.
Policia ka njoftuar se në këtë shkëmbim zjarri ishin të përfshirë dy persona me veturat e tyre personale, njëri person zyrtar policor, i cili në momentin e incidentit ka qenë jashtë detyrës zyrtare.
Dy të dyshuarit pas ndihmës mjekësore në Emergjencën e Ferizajt janë dërguar në QKUK-së për tretman të mëtutjeshëm mjekësor. Në lidhje me rastin janë sekuestruar dy armë
“Fsh. Doganaj, Ferizaj 21.07.2025 – 00:50. Si pasojë e të shtënave me armë zjarri dyshohet se dy persona meshkuj kosovarë janë lënduar. Në këtë shkëmbim zjarri ishin të përfshirë dy persona me veturat e tyre personale, njëri person zyrtar policor i cili në momentin e incidentit ka qenë jashtë detyrës zyrtare. Njësitë përkatëse policore kanë dalë në vendin e ngjarjes si dhe IPK. Dy të dyshuarit pas ndihmës mjekësore në Emergjencën e Ferizajt janë dërguar në QKUK-së për tretman të mëtutjeshëm mjekësor. Në lidhje me rastin janë sekuestruar dy armë. Rasti është duke u hetuar nga njësitë përkatëse policore së bashku me Inspektoratin Policor të Kosovës”, thuhet në raportin 24 orësh të Policisë së Kosovës.
Inspektorati Policor i Kosovës është deklaruar lidhur me këtë incident.
IPK njoftoi se zyrtari policor i përfshirë në këtë rast është arrestuar dhe suspenduar nga puna. IPK njoftoi se nga të dhënat fillestare incidenti ka ndodhur fillimisht si pasojë e një mosmarrëveshjeje në trafik.
