“Nuk pritoj me nejt edhe në burg”, Munishi i përgjigjet avokatit të Amir Rrahmanit: Unë jam Ismet Munishi, o budallenj

Avokati i Amir Rrahmanit, Taulant Hodaj, i dërgoi një mesazh direkt Ismet Munishit në emisionin “Kampionët” në Kanal10, duke thënë se kinse po përgatit një padi ndaj tij për komentet e bëra kundër mbrojtësit të Napolit.

Trajneri i Lirisë iu përgjigj avokatit me tone të forta.

“Unë nuk pritoj me nejt edhe në burg. Unë jam Ismet Munishi, o budallenj. Nuk është ai në kanagjegj, ‘ta kom qendisë një padi…’. Nuk pritoj me nejt edhe në burg, në ora 7 i veshi pixhamet, si te shpija si në burg, atë gjumë do ta bëj. Ka gjetë Taulanti (avokati) arushën me shosh me tut a?”, u shpreh Munishi.

Kujtojmë se mbrëmë, në emisionet sportive në vend, u diskutua shumë vendimi i Amir Rrahmanit për t’u larguar nga Kosova.

Rrahmani u largua për shkak të problemeve me FFK-në.