“Plak, ku janë djemtë?” – Nëna 80-vjeçare rrëfen dhimbjen për djemtë e masakruar në luftë

Nëna e binjakëve të vrarë në Prizren, Mihrije Daçaj, ka kërkuar burgim të përjetshëm për të akuzuarin Millosh Pleskoviq, i cili aktualisht është dënuar me vetëm 15 vjet burg.

“Plak, ku janë djemtë? – Nuk e di…” është rrëfimi rrëqethës i 80-vjeçares, e cila në studion e Kosova Live ka treguar momentet më të dhimbshme kur e kuptoi se bijtë e saj nuk do të ktheheshin më kurrë në shtëpi.

Binjakët, vetëm 27 vjeç, kishin dalë herët në mëngjes për të marrë dru për ngrohje, por nuk u kthyen më. Trupat e tyre të masakruar u gjetën më vonë dhe u identifikuan nga familjarët.

Familja e viktimave e konsideron dënimin aktual si të papranueshëm dhe kërkon dënim të përjetshëm për këtë krim lufte.