Policia e Kosovës ka arrestuar një person të kërkuar përmes INTERPOL-it, i cili dyshohet për veprën penale “Vjedhje e rëndë”.
Sipas njoftimit të Policisë së Kosovës, arrestimi është realizuar më 24 gusht 2026, rreth orës 21:00, në Ferizaj.
Operacioni është zhvilluar nga Drejtoria për Bashkëpunim Ndërkombëtar Policor, në bashkëpunim dhe koordinim me njësitet tjera policore, përfshirë Stacionin Policor në Ferizaj.
I dyshuari, me inicialet N.R., është shtetas i dyfishtë i Kosovës dhe Maqedonisë së Veriut. Ai kërkohej përmes INTERPOL-it, bazuar në një urdhërarrest ndërkombëtar të lëshuar nga autoritetet e Maqedonisë së Veriut.
Sipas policisë, N.R. dyshohet se i ishte shmangur drejtësisë për rastin e “Vjedhjes së rëndë”.
Me urdhër të prokurorit kujdestar, i arrestuari është dërguar në ndalim policor për 48 orë, ndërsa rasti do të procedohet më tej sipas procedurave ligjore
