E ngarkuara me punë në Ambasadën e SHBA-së në Kosovë, Anu Prattipati, ka bërë homazhe te varri i ish-presidentit historik, Ibrahim Rugova.
Në 20-vjetorin e vdekjes së Rugovës, Prattipati vendosi kurorë lulesh mbi varrin e tij.
Në njoftimin e Ambasadës amerikane, Rugova u cilësua si vizionar i paqes.
“E ngarkuara me punë në ambasadë, Anu Prattipati, iu bashkua presidentes Vjosa Osmani në nderimin e dr. Ibrahim Rugovës në 20-vjetorin e vdekjes së tij. Një vizionar i paqes, dr. Rugova i mësoi botës se guximi dhe dinjiteti – jo dhuna – janë rrugët e vërteta drejt lirisë”, thuhet në postimin e ambasadës.
Charge d’affaires Anu Prattipati joined President @VjosaOsmaniPRKS in honoring Dr. Ibrahim Rugova on the 20th anniversary of his passing. A visionary of peace, Dr. Rugova taught the world that courage and dignity—not violence—are the true paths to freedom. pic.twitter.com/vNdogXLBKu
