Presidentja Osmani bën homazhe për Nexhat Dacin

Presidentja Vjosa Osmani ka bërë homazhe në nderim të ish-kryetarit të Kuvendit, Nexhat Daci.

Homazhet po mbahen në ambientet e Kuvendit të Kosovës.

Osmani ngushëlloi familjarët e Dacit, të cilët ishin prezentë.

Sipas agjendës zyrtare të ceremonive mortore, aktivitetet do të vazhdojnë gjatë ditës me Akademinë Përkujtimore, e cila do të mbahet nga ora 12:00 deri në 12:45 në Sallën Plenare të Kuvendit të Kosovës.

Ndërkaq, ceremonia e varrimit me nderime shtetërore është paraparë të mbahet nga ora 13:40 deri në 14:20, në varrezat në Dragodan.