Protesta “pro-Vuçiqit” në Mitrovicë të Veriut – edhe politikanë të Listës Serbe aty

Siç është konfirmuar më parë nga Policia e Kosovës, tubimi është organizuar dhe raportuar nga një shoqatë pensionistësh nga ky qytet.

Së bashku me qytetarët, në tubim ishin të pranishëm edhe kryetari i Listës Serbe, Zlatan Elek, nënkryetari Igor Simiq, si dhe kandidatët për kryetarë të komunave në veri, Milan Radojeviq, Dragiša Miloviq dhe Milosh Peroviq, raporton KosovoOnline.

Qytetarët e mbledhur mbanin një banderolë me mbishkrimin “Mitrovica e Kosovës dëshiron një Serbi të qëndrueshme dhe të fortë”.

Sipas raportit të organizatorëve, qëllimi i tubimit është “mbështetja për paqen dhe tolerancën”.