Protestuesit në Han të Elezit djegin goma në shenjë proteste ndaj SharrCem

Protestuesit në Han të Elezit kanë djegur goma gjatë protestës së zhvilluar kundër përdorimit të gomave të përdorura si lëndë djegëse në procesin e prodhimit të çimentos në fabrikën SharrCem.

Djegia e gomave është përdorur si simbolikë nga protestuesit, për të kundërshtuar praktikën e përdorimit dhe djegies së gomave në procesin industrial të fabrikës.

Protestuesit kanë shprehur shqetësimin e tyre lidhur me ndikimin që, sipas tyre, kjo praktikë mund të ketë në cilësinë e ajrit dhe në shëndetin e banorëve të zonës.

Ata kanë kërkuar që institucionet përgjegjëse të ndërmarrin masa dhe të shqyrtojnë përdorimin e gomave si lëndë djegëse në fabrikë.

Protesta vjen në kuadër të kundërshtimit të banorëve ndaj mënyrës së funksionimit të SharrCem dhe ndikimit të mundshëm mjedisor të aktivitetit të saj.