Kalo te përmbajtja
Demos
Keni lajm?
  • Çka ka 3?
  • Lajme
  • Ndërkombëtare
  • Sport
  • Video
  • Magazine
  • Teknologji
  • Stil
  • Këndvështrime
Menyja
  • Ballina
  • Çka ka 3?
  • Lajme
  • Ndërkombëtare
  • Sport
  • Video
  • Magazine
  • Teknologji
  • Stil
  • Këndvështrime
Pamja
Demos

Gazeta Demos ngadalë por sigurt, po bëhet burim i besueshëm i informacionit, i hapur ndaj opinionit publik, duke i trajtuar të gjithë të barabartë. Gazeta Demos është shenjë identifikuese e fjalës së lirë, gjithnjë në frymën e demokracisë prej nga buron edhe emri i saj.

Rubrikat

VideoLajmeNdërkombëtareSportMagazineTeknologjiStilKëndvështrime

Demos

Rreth neshPolitika editorialeKontaktPrivatësiaKeni lajm?
Gazeta Demos SH.P.KRr. “Uran Ajeti”, 68, Prishtinëinfo@gazetademos.commarketing@gazetademos.comTel: +383 48 579 555
© 2026 Demos. Të gjitha të drejtat e rezervuara. v 1.0.2
Lajme

QKUK-ja nis aksionin për lirimin e oborrit, objektet pa leje dhe lokalet e uzurpuara do të rrënohen

GD
Gazeta Demos20 nëntor 2026 në 15:12
QKUK-ja nis aksionin për lirimin e oborrit, objektet pa leje dhe lokalet e uzurpuara do të rrënohen

Qendra Klinike Universitare e Kosovës (QKUK) ka përfunduar verifikimin e pronësisë së hapësirave në oborrin e saj dhe së shpejti pritet të nisë lirimi i pronave publike nga uzurpimet, përfshirë edhe rrënimin e objekteve të ndërtuara pa leje.

Sipas njoftimit të QKUK-së, komisioni i posaçëm, i formuar në mars të këtij viti, ka realizuar verifikimin e gjendjes pronësore në bashkëpunim me Drejtorinë e Kadastrit të Komunës së Prishtinës.

Procesi është zhvilluar përmes analizimit të ortofotove dhe planeve kadastrale, ndërsa të dhënat zyrtare kanë dëshmuar se brenda oborrit të QKUK-së nuk figuron asnjë pronë private.

Në kuadër të këtij procesi, QKUK-ja u ka dërguar dy njoftime zyrtare shfrytëzuesve të lokaleve afariste dhe kioskave, duke u kërkuar që të dëshmojnë bazën ligjore për shfrytëzimin e hapësirave.

Megjithatë, asnjëri prej tyre nuk ka paraqitur certifikatë pronësie apo dëshmi se objekti ndodhet në proces të legalizimit. Ndër dokumentet e dorëzuara janë evidentuar kontrata të skaduara dhe aktvendime që nuk janë të regjistruara në kadastër.

Konstatimet e QKUK-së janë mbështetur edhe nga Inspektorati i Ministrisë së Mjedisit, Planifikimit Hapësinor dhe Infrastrukturës (MMPHI), i cili gjatë inspektimeve të zhvilluara ditëve të fundit ka verifikuar gjendjen në terren.

Pas konfirmimeve nga kadastri dhe rekomandimeve të Inspektoratit Komunal dhe atij të MMPHI-së, menaxhmenti i QKUK-së ka bërë të ditur se tashmë i ka në dispozicion instrumentet e nevojshme ligjore për të ndërmarrë veprimet për lirimin e hapësirave.

Përmes këtij aksioni, synohet që hapësirat publike të uzurpuara prej vitesh t’u kthehen qytetarëve dhe pacientëve që marrin shërbime në Qendrën Klinike Universitare të Kosovës.

qkuk-jaoborritleje

Të ngjashme

Nisin rrënimet e ndërtimeve pa leje në Ujman, gjashtë objekte në shënjestër të Inspektoratit

Nisin rrënimet e ndërtimeve pa leje në Ujman, gjashtë objekte në shënjestër të Inspektoratit

10:44

Më shumë nga Lajme

  • 15:47AKK i reagon Kurtit: Boll më me përçmime, qytetari i Republikës e ka adresën në komunë
  • 15:44Vëllai i Jakup Krasniqit i dërgon mesazh krerëve në Hagë: S'kishit pas për kon me luftu
  • 15:14Presidentja takohet me ambasadoren suedeze, flasin për sundimin e ligjit
  • 15:14Gjini pret Prattipatin: Aleanca do të jetë e pakompromis në mbrojtjen e demokracisë
  • 15:02Limaj viziton Kilajn pas shpalljes së pafajësisë: Të angazhohemi për kthimin e të gjithë bashkëluftëtarëve