Kryetari i Prishtinës, Përparim Rama, i është drejtuar me një shkresë urgjente Kryeministrit në detyrë, Albin Kurti, duke ngritur shqetësimin se mungesa e përgjigjeve nga Ministria e Financave po e çon kryeqytetin drejt bllokadës financiare.
Në një postim publik, Rama ka bërë të ditur se pavarësisht shumë kërkesave zyrtare të adresuara në Ministrinë e Financave, institucionet qendrore nuk kanë kthyer përgjigje, gjë që sipas tij, po rrezikon funksionimin e shërbimeve esenciale në Prishtinë.