Raportohet në polici një rast fajdeje në Prishtinë, nga 18 mijë euro hua borxhi shkoi në 30 mijë

Një rast i dyshuar i fajdesë është raportuar në rrugën “C” në Prishtinë.

Sipas Policisë së Kosovës, më 13 gusht 2026, një ankues mashkull kosovar ka deklaruar se nga një i dyshuar mashkull kosovar kishte marrë hua 18 mijë e 50 euro, me marrëveshjen që brenda një muaji t’i kthente 3 mijë euro më shumë.

Si garanci, ankuesi kishte lënë veturën e tij.

Sipas tij, i dyshuari nuk ishte lajmëruar me kohë, ndërsa më pas kishte kërkuar 30 mijë euro për kthimin e veturës dhe shlyerjen e borxhit në tërësi.