Kryeministri Albin Kurti, siç raporton Reporteri, ka vendosur ta sfidojë LDK-në deri te propozimi i një anëtari të kësaj partie për President të Republikës.
Fjala është për Haki Demollin e LDK-së, i cili ka qenë ministër dhe deputet i Kuvendit të Kosovës.
Demolli është edhe profesor i Universitetit të Prishtinës, në të njëjtin fakultet ku asistente është Vjosa Osmani.
Sipas dy burimeve të Reporterit, brenda udhëheqjes së Vetëvendosjes, kanë konfirmuar se Demolli është emri i Albin Kurtit për President konsensual, sipas kritereve të LDK-së dhe Vetëvendosjes, që të propozohet dikush që nuk është në kryesi të partive, që nuk ka profil të lartë partiak dhe që është përbashkues.
