“Rikthehet” Hashim Thaçi – Pas 6 vitesh publikohet një postim në profilin e tij në Facebook

Ish-presidenti i Kosovës Hashim Thaçi i cili që 6 vite gjendet në Hagë është “rikthyer” me një postim në profilin e tij në Facebook.

Ai shkroi me rastin e rënies së heronjve Afrim Zhitia dhe Fahri Fazliu.

“Në Kodër të Diellit luftuan dy zemra të brumosura me idealin e lartë në luftë për çlirim nga pushtuesi; ranë dy trima, pushuan dy zemra, por nuk pushoi lufta. Afrim Zhitia dhe Fahri Fazliu, me veprën e tyre heroike dhe të pavdekshme, vetëm sa e frymëzuan dhe fuqizuan rininë për të dalë dhe për të rezistuar edhe më fuqishëm, për të vazhduar amanetin e tyre, i cili ishte: përpjekje dhe qëndresë deri në çlirim”, kishte shkruar Thaçi në vitin 1992.

Postimi i plotë:

Më 3 nëntor 1992, në Institutin Albanologjik në Prishtinë, u mbajt një orë përkujtimore kushtuar trevjetorit të rënies së heronjve Afrim Zhitia dhe Fahri Fazliu.

Advertisement

Në këtë aktivitet, Hashim Thaçi, atëbotë lider studentor, kishte kujtuar veprën dhe sakrificën e dy heronjve.

Në një shkrim të vitit 1992, ai kishte shkruar:

“Në Kodër të Diellit luftuan dy zemra të brumosura me idealin e lartë në luftë për çlirim nga pushtuesi; ranë dy trima, pushuan dy zemra, por nuk pushoi lufta. Afrim Zhitia dhe Fahri Fazliu, me veprën e tyre heroike dhe të pavdekshme, vetëm sa e frymëzuan dhe fuqizuan rininë për të dalë dhe për të rezistuar edhe më fuqishëm, për të vazhduar amanetin e tyre, i cili ishte: përpjekje dhe qëndresë deri në çlirim”.

Lavdi e përjetshme Afrim Zhitisë dhe Fahri Fazliut!