Ministri i Punëve të Brendshme, Xhelal Sveçla ka shkruar në lidhje me operacionin e Policisë dhe Prokurorisë Speciale që ka përfunduar me arrestimin e një shtetasi gjerman dhe sekuestrimin e 43 armëve të gjata automatike.
Ai ka thënë se lufta e tyre kundër krimit të organizuar dhe trafikimit të armëve mbetet e palëkundur.
“Institucionet tona po dëshmojnë përkushtim dhe profesionalizëm në parandalimin dhe luftimin e çdo veprimtarie kriminale, përfshirë rrjetet e trafikimit ndërkombëtar, që cenojnë sigurinë e qytetarëve tanë, të vendit tonë dhe më gjerë. Sundimi i ligjit nuk ka kompromis. Do të vazhdojmë me vendosmëri në luftimin e krimit të organizuar dhe garantimin e sigurisë për të gjithë qytetarët”, ka shkruar Sveçla.
