Policia në Tiranë ka zbuluar një magazinë ku fshihej lëndë narkotike e llojit kanabis sativa, e cila përgatitej për shitje në doza.
Policia bëri të ditur se janë sekuestruar nëntë kilogramë kanabis, sasi kokaine, dy armë zjarri, dy armë të ftohta, dy automjete, gjashtë telefona dhe sende të tjera të kundërligjshme, transmeton Klankosova.tv.
Ndërsa lidhur me rastin , pesë persona u arrestuan, të cilët dyshohet se ishin anëtarë të grupit që kryente këto veprimtari kriminale.