Një person është arrestuar në Podujevë, pasi gjatë kontrollit të një objekti ku ndodhej i dyshuari, policia ka gjetur dhe sekuestruar substanca narkotike, armë zjarri dhe prova të tjera.
Sipas raportit 24-orësh të Policisë së Kosovës, rasti është regjistruar më 22 tetor, rreth orës 13:05.
Gjatë kontrollit, zyrtarët policorë kanë sekuestruar 428 gramë substancë të dyshuar narkotike të llojit marihuanë, 0.3 gramë kokainë, si dhe 18 cigare elektrike që përmbanin substancë narkotike THC.