Shala takon gratë e Suharekës: Në qeverisjen time, gratë do të jenë bashkëvendimmarrëse dhe do të kenë mbështetje konkrete

Kandidati për kryetar të Komunës së Suharekës nga radhët e Lidhjes Demokratike të Kosovës, Ardian Shala ka mbajtur një takim me gratë e Suharekës, ku prezente ishte edhe Jehona Lushaku-Sadriu nga kjo parti, shkruan GazetaDemos.

Shala njoftoi se gjatë takimit prezantoi programin qeverisës me gratë e Komunës së Suharekës.

“Unë besoj fuqishëm se gratë janë shtylla e zhvillimit të shoqërisë forca që mban familjen dhe çdo ndryshim të mirë që ndodh në vendin tonë”, u shpreh ai.

Tutje, Shala listoi edhe aspektet në të cilat gratë të kenë mbështetje konkrete.

Postimi i plotë:

Fuqizimi i Gruas Themel i Zhvillimit

Sot diskutuam për programin tonë qeverisës me gratë e Komunës së Suharekës, në një takim të organizuar nga Forumi i Gruas së LDK-së dega në Suharekë.

Unë besoj fuqishëm se gratë janë shtylla e zhvillimit të shoqërisë forca që mban familjen dhe çdo ndryshim të mirë që ndodh në vendin tonë.

Energjia dhe përkushtimi i tyre më dhanë besim se ndryshimi ka ndodhur!

Në qeverisjen time, gratë do të jenë bashkëvendimmarrëse dhe do të kenë mbështetje konkrete:

-Avancim të shërbimeve shëndetësore për gratë, me fokus në kujdesin parandalues;

-Subvencionimi i Lindjeve

-Rritje të përfaqësimit të grave në vendimmarrje e në administratë;

-Fonde për gratë sipërmarrëse;

-Formimi i Këshillit të Grave të Komunës së Suharekës.

Suhareka po bashkohet për ndryshim dhe LDK po rikthehet fuqishëm!

#ArdianShala

#LDK

#ForumiGruas

#SuharekPërtej