“Shkunden” Saranda e Ksamili, lëshohen 12 urdhërarreste për policë, zyrtarë dhe biznesmenë

Prokuroria e Sarandës ka lëshuar 12 urdhërarreste ndaj disa personave, mes tyre punonjës policie, oficerë, inspektorë dhe biznesmenë, në kuadër të një hetimi për ndërtime dhe shpërdorim detyre në zonën e Sarandës dhe Ksamilit.

Nga operacioni i zhvilluar në Sarandë, autoritetet shqiptare kanë zgjeruar listën e personave ndaj të cilëve janë caktuar masa sigurie.

Në mesin e të dyshuarve është edhe kryeinspektori i Inspektoratit të Mbrojtjes së Territorit në Sarandë, si dhe një oficer policie.

Gjithashtu, është arrestuar një specialist i policisë në Ksamil, si dhe zyrtarë e biznesmenë e ndërtues të tjerë.

Operacioni lidhet me hetimet e nisura pas arrestimeve të mëparshme të zyrtarëve të Policisë së Sarandës, ndërsa autoritetet po vijojnë kontrollet dhe ekzekutimin e masave të tjera të sigurisë