Shpërthimi në Kaçanik, flasin nga Policia: Kaq mijë euro vlera e dëmit material – personi i lënduar po trajtohet në QKUK

Rreth 200 mijë euro dëm material është shkaktuar pas shpërthimit të një bombole oksigjeni që ndodhi dje në fshatin Nikaj, në rrugën Kaçanik–Ferizaj.

Sipas raportit 24-orësh të policisë, një person ka pësuar lëndime të rënda trupore dhe është dërguar për trajtim në Qendrën Klinike Universitare të Kosovës (QKUK).

“Kaçanik 22.10.2025 – 11:30. Raportohet se si pasojë e një shpërthimi të një rezervuari të oksigjenit, në një ndërmarrje private, lëndime trupore ka pësuar viktima mashkull kosovar, i cili është dërguar në QKUK Prishtinë për tretman mjekësor. Në vendin e ngjarjes kanë dalë njësitë përkatëse, ndërsa lidhur me rastin është njoftuar prokurori. Vlera e dëmit të shkaktuar është rreth 200 000 euro”, thuhet në njoftimin e Policisë së Kosovës.