Kandidati i PDK-së për kryetar të komunës së Lipjanit, Shukri Buja, në përmbyllje të fushatës ka falënderuar të gjithë qytetarët që e përkhrahën gjatë këtyre ditëve për ta shënuar nesër fitoren.
Buja bëri sërish thirrje që qytetarët e kësaj komune t’i besojnë programit të tij, dhe këtë besim ta shprehin me votë për të.
VIDEO
Postimi i plotë:
Të dashur qytetarë të Komunes së Lipjanit!
Faleminderit për përkrahjen tuaj të jashtëzakonshme!
Faleminderit për besimin, për çdo hap në këtë fushatë të fuqishme, për çdo derë të hapur, për çdo zë që u bë zëri ynë!
Ju treguat se PDK në Lipjan nuk është vetëm një parti – është një forcë e pamposhtur!
Nesër, Lipjani zgjohet me shpresë. Me besim në vlera, me dashuri për vendin. Është dita kur ne zgjedhim drejtimin tonë, dita kur zëri yt bëhet forcë.
Unë, Shukri Buja, ju ftoj me zemër të hapur, të dilni e të votoni, për Partinë Demokratike të Kosovës, për numrin 191, për një Lipjan që ecën përpara me dinjitet e punë.
Çdo votë është dritë në rrugën e së nesërmes. Mos rrini mënjanë, sepse e ardhmja ndërtohet nga ata që veprojnë.
Nesër, voto 191. Voto për PDK-në. Voto për Shukri Bujën, kandidat për Kryetar të Lipjanit.
Bashkë, e kthejmë besimin në veprim. Bashkë, e ndërtojmë Lipjanin që e duam.
