Skandali i rezervave shtetërore: Ish-sekretari i MINT, Irfan Lipovica po intervistohet nga Prokuroria Speciale

Ish-sekretari i Ministrisë së Industrisë, Irfan Lipovica është ftuar për herë të dytë për intervistim nga Prokuroria Speciale e Kosovës.

Lipovica ka hezituar të flas nëse është thirrur për intervistim në rastin e rezervave shtetërore, ndërkohë avokati i tij tha se nuk e dijnë arsyen e ftesës.

“Është vetëm një ftesë. Nuk e dijmë as për cka është një ftesë për intervistim, kjo është intrvistimi I dytë, nuk e dijmë as për cfarë rasti është”, tha avokati i tij për Sinjalin.

Irfan Lipovica është një nga tre të dyshuarit për rastin e rezervave shtetërore, për të cilin rast, të dyshuar janë edhe afaristi Ridvan Muharremi dhe zyrtari tjetër i Ministrisë së Tregtisë dhe Industrisë, Hafiz Gara.

Në lidhje me rastin e rezervave shtetërore, Prokuroria Speciale e Kosovës (PSRK) e ka thirrur kryeministrin Albin Kurti të paraqitet në ambientet e PSRK-së si dëshmitar, por ai ende nuk është paraqitur duke kërkuar që të intervistohet në Zyrën e tij.