Sot pritet të mbahet edhe seanca për Qeverinë nga kjo orë

Pas konstituimit të legjislaturës së 11-të, pritet të thirret seanca edhe për formimin e Qeverisë së re.

Deputeti nga komuniteti turk Fikrim Damka, deklaroi për Klan Kosovën se seanca pritet të thirret rreth orës 14:30.

“Do shihemi 14:30 ose para 14:30”, deklaroi Damka.

Sot u votuan dy nga tre nënkryetarët e Kuvendit të Kosovës.

Nga radhët e LDK-së u votua Kujtim Shala derisa nga komuniteti serb u zgjodh Tanja Vujoviq e Listës Serbe.

Kurse, PDK-ja vendosi ta tërheq kandidaturën e Vlora Çitakut dhe t’i drejtohet Gjykatës Kushtetuese.