Të rinj nga Kosova morën pjesë në Asamblenë Botërore të të Rinjve në New York

Në selinë e United Nations në New York u mbajt Asambleja Botërore e të Rinjve “Change The World Academy”, një ngjarje ndërkombëtare që mblodhi të rinj nga shumë vende të botës për të diskutuar mbi lidershipin, diplomacinë dhe rolin e gjeneratës së re në zhvillimet globale.

Në këtë platformë prestigjioze u përfaqësua edhe Kosovo nga tre të rinj, të cilët morën pjesë në sesione diskutimi, aktivitete dhe iniciativa që synojnë krijimin e ideve dhe projekteve me ndikim pozitiv në shoqëri. Pjesë e kësaj ngjarjeje ishin Eris Gashi, Rron Pupa dhe Leke Nikqi, të cilët përfaqësuan rininë kosovare në një nga forumet më të rëndësishme ndërkombëtare për të rinjtë.

Gjatë kësaj asambleje, pjesëmarrësit patën mundësinë të shkëmbenin përvoja, të diskutonin sfidat globale dhe të ndërtonin bashkëpunime me të rinj nga vende të ndryshme të botës.

Pjesëmarrja e tyre u vlerësua si një arritje e rëndësishme dhe një dëshmi e potencialit që kanë të rinjtë kosovarë për të kontribuar në nisma dhe procese me ndikim në nivel global. Kjo ngjarje shërbeu si një platformë e rëndësishme për fuqizimin e të rinjve dhe përfshirjen e tyre në diskutime dhe iniciativa që synojnë zhvillimin dhe bashkëpunimin ndërkombëtar.