Ish-Presidenti i Kosovës, Hashim Thaçi, duke folur për verdiktin e mundshëm të Gjykatës Speciale ndaj tij, ka thënë “se pret lirimin nga çdo akuzë”. Në një intervistë për Rtv Dukagjinin, ai thotë se për të, të gjitha fjalët janë thënë nga ekipet mbrojtëse.
“Pres lirimin nga çdo akuzë. Nuk kam çka t’u shtojë argumenteve të ekipeve mbrojtëse, si dhe fjalës sime përfundimtare në sallën e gjyqit”, ka thënë Thaçi.
Ai nuk shprehet i prenduar për votimin e Gjykatës Speciale. Mirëpo thotë, se “vullneti i deputetëve u keqpërdor”.
“Jo(Nuk jam penduar për votimin). Por nuk do të besoja se vullneti i të zgjedhurve të popullit të Kosovës do të keqpërdorej kaq brutalisht”, shton.
“Çuditërisht, narrativa e pretendimeve të tilla fillon nga vitet e tetëdhjeta (atë kohë isha 11-12 vjeç) të lëvizjes së popullit të Kosovës për liri. Vazhdon deri në dhjetor 2000. Kulmon me Raportin e Dick Martyt, rrëfim ky i ndërtuar në bashkëpunim tanimë të konfirmuar mes zyrtarëve serb dhe rus në Këshillin e Evropës”, thotë ai për argumentet e Zyrës së Prokurorit të Specializuar kundër krerëve të UÇK-së.
