Parlamenti Studentor i Universitetit “Haxhi Zeka” në Pejë ka bërë thirrje për organizimin e një proteste paqësore më 10 prill 2026, në ora 12:00, në Sheshin e Qytetit të Pejës.
Përmes një njoftimi publik, organizatorët u kanë bërë thirrje qytetarëve të Republikës së Kosovës, studentëve, profesorëve, të rinjve dhe të gjithë atyre që besojnë në të vërtetën dhe dinjitetin, që t’i bashkohen protestës.
Sipas tyre, ditëve të fundit janë shfaqur raste shqetësuese të përhapjes së gjuhës së urrejtjes dhe përpjekje për deformimin e historisë së Kosovës, veprime që sipas organizatorëve cenojnë kujtesën kolektive, fyejnë sakrificën e popullit dhe dëmtojnë vlerat mbi të cilat është ndërtuar shteti i Kosovës.
“Ne nuk mund të heshtim dhe nuk mund të lejojmë që urrejtja të zërë vend në shoqërinë tonë. Po ashtu, nuk mund të pranojmë që historia e Kosovës të shtrembërohet”, thuhet në thirrjen e Parlamentit Studentor.
