Presidenti i Shteteve të Bashkuara të Amerikës, Donald Trump, ka bërë të ditur se administrata e tij po shqyrton seriozisht mundësinë e rifillimit të operacioneve të mëdha ushtarake kundër Iranit, duke lënë të kuptohet se një ndërhyrje e re mund të jetë edhe më e gjerë se sulmet e zhvilluara gjatë “Operacionit Epic Fury”.
Në një deklaratë për Axios , Trump tha se është pranë marrjes së një vendimi, ndërsa theksoi se ushtria amerikane është e gatshme për çdo skenar.
“Po mendoj për një sulm masiv. Më i madh se çdo tjetër. Jam afër marrjes së një vendimi. Jemi gati”, u shpreh presidenti amerikan.
Megjithatë, ai pranoi se një vendim i tillë do të kishte pasoja të rëndësishme dhe nënvizoi se ende nuk ka marrë vendimin përfundimtar për nisjen e një operacioni të ri ushtarak.