Donald Trump, Xi Jinping dhe Vladimir Putin janë fotografuar së bashku për herë të parë në margjinat e samitit të APEC-ut, në prag të takimit të tyre historik që do të zhvillohet të enjten.
Sipas pamjeve të publikuara, vihet re se Trump dhe Putin i dhanë dorën njëri-tjetrit.
Kjo është hera e parë që ndodh një gjë e tillë që nga takimi i tyre në Alaskë, në gusht të vitit të kaluar
Më pas, të tre liderët pozuan për një fotografi në grup së bashku me udhëheqësit e tjerë të APEC-ut.
Ajo që bie në sy është se Xi e ftoi Putinin të ulej pranë bashkëshortes së tij, ndërsa Trumpit i kërkoi të qëndronte pranë tij, shkruajnë mediat e huaja.
Putin, Trump and Xi Jinping shake hands and briefly exchange remarks. https://t.co/0epxbYNJJm
— Clash Report (@clashreport) November 18, 2026
Reklamë
Donald Trump dhe Vladimir Putin kanë mbërritur në Qendrën Ndërkombëtare të Komunikimit në Shenzhen, ku po zhvillohet samiti i APEC-ut.
Vladimir Putin e ka vlerësuar publikisht takimin trepalësh si një nxitje të partneritetit – në vend të izolimit – dhe si një mundësi për një shkëmbim konstruktiv pikëpamjesh.
Ndërkohë, gjatë natës, ai ka ndjekur një qasje krejtësisht të kundërt në Ukrainë; çështje kjo që ka gjasa të jetë një nga temat e diskutimit mes liderëve.



