“Mbështetje e fuqishme nga personeli arsimor dhe shëndetësor për zhvillimin dhe transformimin e Podujevës”, kështu tha sonte pas tubimit madhështor kandidati i VV-së për kryetar të Podujevës, Shpejtim Bulliqi.
“Sonte mbajtëm tubim me personelin arsimor dhe shëndetësor, dy shtylla të rëndësishme të shoqërisë sonë, të cilët janë dëshmitarë të drejtpërdrejtë të punëve dhe projekteve tona të mëdha gjatë këtyre viteve të qeverisjes sonë”, tha ai.
Bulliqi tha se para tyre theksoi punën e bërë në shkolla, çerdhe dhe kushte më të mira për mësimdhënie, si dhe përmirësimet në shërbimet shëndetësore me pajisje moderne dhe infrastrukturë të re.