Ish-nënkryetari i OVL-UÇK-së, Nasim Haradinaj, ka pasur kritika për Qeverinë Kurti, duke thënë se nuk është menduar kurrë për ish-krerët e UÇK-së që po përballen me drejtësinë në Hagë.
Haradinaj tha se Gjykata Speciale nxori patriotizmin e rremë të pushtetit aktual, madje tha se u bënë një me trupin gjykues.
“ Fatkeqësisht, kjo gjykatë ka treguar anën e saj të keqe, por ka nxjerrë në pah trimërinë, guximin dhe patriotizmin e veteranëve. Por që dikujt ia nxori edhe trimërinë edhe guximin, edhe patriotizmin. Më vjen keq ma së shumti që e nxori patriotizmin fallc të pushtetarëve, që e patën këto vite këtë Kosovë dhe që nuk bënë asgjë për Ushtrinë Çlirimtare të Kosovës. Nuk patën as vullnet e as dëshirë, në një mënyrë u bënë një më trupin gjykues e atë gjykatë, që po e dënon Kosovën dhe jo individët”, deklaroi Haradinaj në Klan Kosova.