U panë jashtë salles, Gashi: Po përgatiten fletëvotimet, 355 delegatë do të votojnë për fatin e Abdixhikut

Anëtari i LDK-së, Arben Gashi, ka deklaruar se po përgatiten teknikisht fletëvotimet për procesin e votimit në Kuvendin e Jashtëzakonshëm të LDK-së.

Gashi tha se nuk ka më diskutime para votimit dhe se delegatët po presin përfundimin e përgatitjeve teknike.

“Po përgatitet teknikisht fletëvotimi. Nuk ka diskutime këtu, po presim deri të printohen fletëvotimet, sepse u vendos pyetja”, ka thënë Gashi.

Ai bëri të ditur se në fletëvotim do të jetë pyetja nëse delegatët janë për shkarkimin e kryetarit aktual të LDK-së, Lumir Abdixhiku.

“Pyetja është: A jeni për shkarkimin e kryetarit Abdixhiku? Po ose jo”, ka deklaruar Gashi për kanal 10.