U raportua i zhdukur që nga viti i kaluar, Policia gjenden mbetjet mortore të tij në Malishevë

Policia e Kosovës ka njoftuar se janë gjetur mbetjet mortore të një personi që ishte raportuar i zhdukur në Malishevë që nga tetori i vitit të kaluar.

Sipas njoftimit, më 23 korrik 2026, në një zonë malore pranë fshatit Shkozë të Malishevës, janë gjetur disa mbetje mortore, për të cilat dyshohej se i përkisnin personit me inicialet H.S., i moshës madhore.

I njëjti ishte raportuar i zhdukur që nga 5 tetori 2025.

Policia ka bërë të ditur se Drejtoria Rajonale në Gjakovë, në bashkëpunim me institucionet përkatëse, kishte zhvilluar disa operacione kërkim-shpëtimi, por pa arritur ta lokalizonte personin e zhdukur.

Mbetjet mortore janë dërguar për ekzaminim në Institutin e Mjekësisë Ligjore.

Pas përfundimit të analizave dhe konsultimit me prokurorin e shtetit, Policia është njoftuar zyrtarisht se mbetjet mortore i përkisnin personit të zhdukur.

Ato më pas u janë dorëzuar familjarëve për procedurat e mëtejshme.