Komandanti i misionit të udhëhequr nga NATO në Kosovë (KFOR), gjenerallejtënant Özkan Ulutaş, ka pritur sot në selinë e KFOR-it në Camp Film City, Prishtinë, shefin e Shtabit të Përgjithshëm të Ushtrisë së Moldavisë, gjeneral brigade Vitalie Micov.
Gjatë takimit, ata kanë shkëmbyer qëndrime rreth situatës së sigurisë në Kosovë dhe angazhimeve të KFOR-it në terren, shkruan IndeksOnline.
Gjenerallejtënant Ulutaş ka vlerësuar lart kontributin e vazhdueshëm dhe të çmuar të personelit moldav në operacionet e përditshme të KFOR-it, duke theksuar profesionalizmin që kanë shfaqur gjatë shërbimit.
KFOR ritheksoi angazhimin për zbatimin e mandatit të tij, të bazuar në Rezolutën 1244 të Këshillit të Sigurimit të OKB-së, për të siguruar një mjedis të sigurt dhe të qetë për të gjithë qytetarët në Kosovë. Po ashtu, u theksua se KFOR-i vazhdon bashkëpunimin e ngushtë me Policinë e Kosovës dhe EULEX-in në rolet e tyre si përgjigjës për sigurinë./
