Vdekja në QKUK që po hetohet nga Policia: Ky dyshohet se është personi që vdiq

Një person ka vdekur në orët e hershme të mëngjesit të djeshëm në Qendrën Kryesore Universitare të Kosovës (QKUK).

Viktima, e cila ka humbur jetën, dyshohet të jetë Meriton Ramadani nga fshati Miradi e Poshtme.

Sipas një njoftimi të publikuar nga fshati në Facebook, i ndjeri do të varroset sot, më 06.12.2025, në ora 14:00, në varrezat e kërij fshati.

Ndërkohë, policia e ka cilësuar rastin si hetim mbi vdekjen.

““HETIM MBI VDEKJEN – QKUK, Prishtinë 05.12.2025 – 04:10. Raportohet se në QKUK ka ndërruar jetë viktima mashkull kosovar. Me vendim të prokurorit, trupi i pajetë është dërguar në IML për obduksion”, tha policia në raportin 24-orësh”, thuhet në raportin e Policisë.