Vdes mjekja e njohur

Ka vdekur në moshën 74-vjeçare Dr. Sci. Drita Berisha, doktoresha e parë e shkencave nga lëmia e gastroenterologjisë dhe hepatologjisë, si dhe subspecialistja e parë nga kjo fushë në Kosovë.

Lajmin për vdekjen e saj e kanë bërë të ditur familjarët përmes një njoftimi publik.

“Me dhimbje të thellë njoftojmë familjarët, miqtë dhe dashamirët se sot, më 24 gusht 2026, ka ndërruar jetë më e dashura jonë, Dr. Sci. Drita Berisha”, thuhet në njoftim.

Varrimi i së ndjerës do të bëhet sot, më 24 gusht, në ora 16:30, në varrezat e Prishtinës në Arbëri.

E pamja do të mbahet në shtëpinë e familjes në Prishtinë, më 25 dhe 26 gusht, nga ora 09:00 deri në 17:00.

Drita Berisha njihej për kontributin e saj në fushën e gastroenterologjisë dhe hepatologjisë dhe për rolin pionier në zhvillimin e kësaj fushe në Kosovë.